समाचार
शरिर र मनको संतुलन हो योग
राईजिङ्ग खबर | प्रकाशित मिति : २०७४ असार ७ बुधबार | ०३:२१
“योग धर्म, आस्था र अंधविश्वास भन्दा पृथक विज्ञान हो । योग जीवन बाँच्ने कला हो ।
- आदित्य कुमार
“योग धर्म, आस्था र अंधविश्वास भन्दा पृथक विज्ञान हो । यो सिधा विज्ञान हो । योग जीवन बाँच्ने कला हो । योग पूर्ण चिकित्सा पद्दती पनि हो । धर्मले मानिसलाई निश्चित परिधिभित्र बाँध्छ तर योगले सबै बन्धनबाट मुक्तिको मार्ग सिकाउँछ । ”
माथिका भनाई हुन प्रसिद्ध आध्यात्मिक चिन्तक रजनिश अर्थात ओशोका । योगको सुरुवात गरेका थिए ऋषि पतञ्जलीले । अहिले सम्म विभिन्न योग विज्ञहरुले योगका नयाँ नयाँ रुप निकाले पनि त्यसको मुल जरो भनेकै पतञ्जली नै हुन ् । बाँकी सबै उनकै सेरोफेरोमा प्रयोग गर्नेहरु हुन र यसरी प्रयोग गर्दा नयाँ सूत्र पनि पत्ता लाग्नसक्छ ।
पतञ्जलीका अनुयायी भारतीय स्वामी रामदेव योग विद्यामा विश्व प्रसिद्ध भैसकेका छन् । उनले योगलाई एउटा क्रान्तिका रुपमा ल्याए । विश्वमा उनका शिष्य वा अनुयायीहरुको संख्या करोडौंको छ । उनी योग हिरो हुन । उनको प्रस्तुती, योग साथै आयुर्वेदको ज्ञानले पनि उनलाई धेरै माथि पु¥याएको छ ।
पतञ्जलिले योगका आठ खुडकिलाहरुको व्याख्या गरेका छन् । एउटा खुडकिलो पछि अर्को खुडकिलो आउँछ । योग त्यो परमशक्तिका तर्फ क्रमशः बढदै जाने एक बैज्ञानिक प्रक्रिया हो ।
योग वृहत्तर विषय हो । ज्ञान योग, भक्ति योग, धर्म योग, कर्म योग, हठ योग र राज योग यी योगहरुमा राज योग नै पतञ्जलीको योग हो । पतञ्जली योगको सर्वाधिक प्रचलन र महत्व छ । यही योगलाई हामी अष्टांग योग भन्छौं । योगका सवै विद्याहरुलाई पतञ्जलीले आठ अंगहरुमा श्रेणिवद्ध गरेका छन् ।
ति आठ अंग हुन यम, नियम, आसन, प्राणयाम, प्रत्याहार, धारण, ध्यान, समाधि । बर्तमानमा योगका तीन अंगहरु नै प्रचलनमा छन– आसन, प्राणायाम र ध्यान । रामदेवले पतञ्जलीका संस्कृतिमा रहेका र बाहिर सामान्यजनले बुझ्न नसकेका कुराहरुलाई रामदेवले सार्वजनिक गरे र योग शिविरमा हजारौं लाखौं मान्छेहरुलाई योगलाई सरल शब्दमा सिकाए ।
योगबाट संसारका सबै रोग निको हुन्छन भन्ने रामदेव योग क्षेत्रका नेता नै हुन । उनको बोल्ने बेग्लै तरिका, टेलिभिजन स्क्रिनमा उनको प्रस्तुतीले पनि उनलाई यती धेरै लोकप्रियता दिलाएको हो ।
चाहे जे होस योगबाट रोक निको पार्नु भन्दा पनि रोग प्रतिरोधात्मक क्षमताको विकास गराउँछ । मानिसका अंग प्रत्यंगमा अक्सिजनको प्रवेश गराउँछ र स्वस्थ्य र आनन्दमय जीवनका लागि बाटो देखाउँछ ।
योगले शरिर र मनको दमन गर्ने भन्दैन , बरु त्यसको रुपान्तर गर्छ । यसको रुपान्तरसंगै जीवनमा बदलाव आउँछ । कसैको कुनै अम्मल छ भने पनि केही फरक पर्दैन त्यसमा योगको अम्मललाई पनि सामेल गराउने हो भने नराम्रा बानी छुटदै जान्छन र योग प्रतिस्थापित हुन्छ ।
गर्ने हैन त योग ?
शेयर बजार 
लोडसेडिङ तालिका 
आजको विनिमयदर 
सुन–चाँदी 
नेपाली–अंग्रेजी मिति परिवर्तन 
युनीकोड बाट प्रितिमा कनर्भटर 
जल तथा मौसम विज्ञान विभाग 
राष्ट्रिय भुकम्प मापन केन्द्र 
सूचना तथा सञ्चार मन्त्रालय 
.jpg&w=300&h=160)
.jpg&w=300&h=160)
